كتب …. زياد الدليمي
حبيبي السني شنو تريد بالضبط
داعش فشلت بالاطاحة بالدولة الشيعية
قبلها القاعدة فشلت ايضا
مدنك صارت يخني وتفلشت طابوكه طابوكه
انت مهجر وكاعد بخيمه
قياداتك اللي كانت تحرض بيك
اجتي صاغره وكعدت وي القيادات الشيعية
وصاروا وزراء وجزء من النظام الحالي
الشيعي فتح صفحة جديدة وياك
وقبل بيك جزء من الوطن
تاخذ راتب حالك حاله
وظائف بالدولة تكاد تكون ضعف الوظائف المخصصة للشيعة مقارنة بالحجم السكاني
انت شبيك مخبل لو ممسوس
اذا مخبل شوفلك مصحة عقلية لو طبيب نفسي
واذا ممسوس
روح باتلك ليلتين بالشيخ عبد القادر
..
انت اليوم امام كيان شيعي قدم الغالي والنفيس امام مشاريع مخيفة وممولة خليجيا واقليميا بمليارات الدولارات وخرج منتصر في نهاية المطاف
اؤمن واقتنع بالعراق الجديد
قدم نفسك كورقة سلام وتعايش سلمي
خلي الناس اللي تريد تعيش بامان وسلام تعيش براحتها
لايبقى كم قرد ومنتفع يحركك مثل الشطرنج ويحصل بيك منافع ومكاسب ووزارات ومقاولات
كل سياسي وقيادي سني يدفعك هو ذيل لجهة معينة
باجر. تفض الطلابه ويجي يتبجبج
والشيعي يستقبله ويكله هاك منصب خويه وحياك الله
وتبقى انت مهجول لو صاير ارهابي لو متورط بسالفة تكسر الظهر
على مالمن
العمر تعيشه مرة وحده
اشتغل ، اجمع فلوس ، سافر ،صاحب ، حج ، اسكر ، بطنش
لا تبقى صفقة بيد السيبندية
كاعدين بعوائلهم بره يتخمون ويدفعون بيك للتهلكة
#وسلامتكم